"ქართული ოცნებიდან" წამოსული დეპუტატების მორიგი კრიტიკა ამერიკის საელჩოს. ე.წ.-ლი ოთხეული საელჩოს ამჯერად სამართალდამცავი სტრუქტურებისა და კანონის უზენაესობის წინააღმდეგ მიმართულ ქმედებებში ადანაშაულებს. დეპუტატები ცდილობენ დაამტკიცონ, რომ საელჩოს მიერ დაფინანსებული ენჯეოების შესრულებით პროკურატურის და სასამართლოს წინააღმდეგ მადისკრედიტირებელი კამპანიები ხორციელდება. ე.წ.-ლი ოთხეული განმარტავს, რომ მოსამართლეებისა და გენერალური პროკურორის კვალიფიციური უმრავლესობით არჩევის მოთხოვნის დაყენებით საელჩო, დანიშვნების მიმართულებით ნაციონალურ მოძრაობაზე ვეტოს უფლების მინიჭებას ცდილობს.