00:23
17 დეკემბერი, 2018, ორშაბათი
იტვირთება შემდეგი ვიდეო
ეკონომიკა
2019 წელს საქართველოში ქურთუკების ფაბრიკა აშენდება
06-12-2018

2019 წელს საქართველოში ქურთუკების ფაბრიკა აშენდება. პროექტი საპარტნიორო ფონდისა და ჩინური მხარის ერთობლივი მუშაობით ტყიბულში განხორციელდება და საქართველოში დამზადებული ცნობილი ბრენდების პროდუქცია მსოფლიო ბაზარს მოამარაგებს. ტყიბულში საწარმოს მშენებლობა მომავალი წლიდან დაიწყება. ჩინეთში გადამზადების შემდეგ საწარმოში 300-ზე მეტი ადგილობრივი დასაქმდება.

ძიანგსის პროვინციაში ქართული დელეგაცია „საპარტნიორო ფონდის“ აღმასრულებელი დირექტორის ხელმძღვანელობით იმყოფებოდა. დელეგაციის შემადგენლობაში მთავრობისა და ბიზნეს სექტორის წარმომადგენლები იყვნენ.  მალე ჩინეთის მილიარდნახევრან ბაზარზე ქართული ღვინის შემდეგ საქართველოში წარმოებული ზეითუნის ზეთი, ქართული ჩაი და ვისკი შევა. ოფიციალური შეთანხმებები ძიანგსის პროვინციაში არსებულ ქართული კულტურისა და ღვინის სახლში შედგა.

ქართულმა დელეგაციამ ჩინეთის სავაჭრო-ეკონომიკური ურთიერთობების განვითარების ფორუმის ფარგლებში საერთაშორისო გამოფენაში მიიღო მონაწილეობა, საქართველოს გამოფენაზე სპეციალური სივრცე დაეთმო, სადაც 15-მდე ქართული კომანია იყო წარმოდგენილი.

გააკეთე კომენტარი
FB კომენტარი
სხვა სიახლეები