13:54
23 აგვისტო, 2019, პარასკევი
იტვირთება შემდეგი ვიდეო
ამბები
2 624 წლის ხე აშშ-ში - 2000-ზე მეტი წლის ხეები მდინარე ბლეკის გასწვრივ აღმოაჩინეს
20-05-2019

მეცნიერებმა აშშ-ში, ჩრდილოეთ კაროლინას შტატში, მდინარე ბლეკის გასწვრივ 2000-ზე მეტი წლის ხეები აღმოაჩინეს; მათ შორის ერთ-ერთის ასაკი სულ მცირე 2 624 წელია. არკანზასის უნივერსიტეტის მკვლევარი დევიდ სტეილი დარწმუნებულია, რომ ზოგიერთი ხის ასაკი შესაძლოა, 3000 წელიც იყოს. უკვე ათწლეულებია ცნობილია, რომ ამ რეგიონში უძველესი ხეები ხარობს. 1980-იან წლებში, სტეილმა და მისმა კოლეგებმა იქ 1 700 წლის ხეები აღმოაჩინეს. ამის გამო, ამ ზონაში ნაკრძალი შეიქმნა. 2000-ზე მეტი წლის ხეები მეცნიერებმა აქამდე შეუსწავლელ ზონაში აღმოაჩინეს.

ხეების ასაკი ყოველწლიური ნამატი ფენების საშუალებით დაადგინეს, ხიდან აღებული ნიმუშის საშუალებით ისე, რომ თავად ხეები არ დაზიანებულიყო. გაირკვა, რომ ხის, სახელად BLK227-ის ასაკი 2624 წელია, რაც იმას ნიშნავს, რომ ის ძვ. წ. 605 წელს ამოვიდა, რომის იმპერიამდე საუკუნეებით ადრე. მეორე ხე, სახელად BLK232 2088 წლისაა, ანუ ის ძვ. წ. 70 წელს ამოვიდა, დაახლოებით მაშინ, როცა ეგვიპტის დედოფალი კლეოპატრა დაიბადა.

აღსანიშნავია,რომ ხეების რგოლები მნიშვნელოვან ინფორმაციას ინახავს მათი არსებობის თითოეულ წელს მოსული ნალექების შესახებ.
მაგალითად  BLK227 და BLK232 თითქმის 2500 წლის მნიშვნელოვან კლიმატურ ინფორმაციას ინახავს — მათ შორის ცნობები არის გვალვებისა თუ წყალდიდობების შესახებ.

გააკეთე კომენტარი
FB კომენტარი
სხვა სიახლეები