დემოკრატიის კვლევის ინსტიტუტმა საქართველოში ულტრამემარჯვენე ჯგუფებისა და მათი საქმიანობის შესწავლის შუალედური ანგარიში წარადგინა. მედიამონიტორინგის ანგარიშის მიხედვით, რომელიც ულტრამემარჯვენე ლიდერებისა და მედიასაშუალებების ძირითად გზავნილებს მოიცავს, გამოიკვეთა, რომ აღნიშნულ ჯგუფებში ჭარბობდა ანტიდასავლური, ანტილიბერალური, ანტივაქსერული და ჰომოფობიური რიტორიკა.
ორგანიზაციის მიერ ჩატარებულ მონიტორინგში აღნიშნულია, რომ პრორუსული და ჰომოფობიური ჯგუფები აქციებს მართავდნენ 5-6 ივლისს ორგანიზებულ ძალადობაში მონაწილე ბრალდებულების მხარდასაჭერად, ასევე “თბილისი პრაიდის” მიერ დაგეგმილი ღონისძიებების საწინააღმდეგოდ. მონიტორინგი 2021 წლის 5 ივლისის შემდგომ პერიოდს მოიცავს.