დღესდღეობით მსოფლიოში სპორტის უამრავი სახეობა და შეჯიბრი არსებობს. მათი ნაწილი საერთაშორისოდაა აღიარებული და თითქმის ყველა ქვეყანაში პოპულარულია.
თუმცა არსებობს სპორტის ისეთი იშვიათი და უნიკალური სახეობები, რომელთა შესახებაც, ძალიან ცოტამ იცის და მხოლოდ ერთ რომელიმე ქვეყანაშია პოპულარული.
გაყინული მკვდრის დღეები, აშშ
აშშ-ის შტატ კოლორადოში ყოველწლიურად საკმაოდ უცნაური შეჯიბრი- გაყინული მკვდრის დღეები იმართება.
უჩვეულო შეჯიბრი სათავეს 1993 წლიდან იღებს. კოლორადოს მთიან რეგიონში ნორვეგიელი მამაკაცი გარდაიცვალა, რომლის გადასვენებაც გარკვეული დროით შეფერხდა და მისი ცხედარი თოვლში ჰქონდათ შენახული.
2003 წლიდან ადგილობრივებმა ამ მოვლენის საპატივცემულოდ შეჯიბრებების გამართვა დაიწყეს. 7 კაცით დაკომპლექტებული გუნდიდან 1 კუბოში წვება, დანარჩენ ექვსს კი ის 27 კილომეტრის მოშორებით გადაჰყავს. შეჯიბრი კოლორადოში ძალიან პოპულარულია. მასში ყოველ წელს ათობით ჯგუფი მონაწილეობს, ათასობით ადამიანი კი თვალს ადევნებს.
მსოფლიოში ყველაზე უშნო ძაღლების კონკურსი, აშშ
აშშ-ში, კალიფორნიის ქალაქ პეტალუმაში ყოველ წელს იმართება შეჯიბრი, რომლის მიზანიც პლანეტის ყველაზე უშნო ძაღლის გამოვლენაა.
კონკურსი სათავეს 1970-იანი წლებიდან იღებს. შეჯიბრის სახელის მიუხედავად ის საკმაოდ სახალისოდ მიმდინარეობს. როგორც წესი, მისი მონაწილე ძაღლების უმეტესობა ახალმა პატრონებმა თავშესაფრიდან წამოიყვანეს.
მსოფლიოს წვერისა და ულვაშის ჩემპიონატი
უკვე რამდენიმე წელია რაც მსოფლიოში წვერისა და ულვაშის საერთაშორისო ჩემპიონატი იმართება, რომლის მონაწილეებიც წვერის ორიგინალური ვარცხნილობით ცდილობენ თავი გამოიჩინონ.
კონკურსს კონკრეტული ლოკაცია არ აქვს და როგორც წესი ის აშშ-ში, ავსტრალიაში ან ევროპის რომელიმე ქვეყანაში იმართება. ჩემპიონატი ყოველ მეორე წელს ტარდება.
იმისათვის, რომ ჩემპიონატის მონაწილეებისთვის თანაბარი პირობები ყოფილიყო, მისმა ორგანიზატორებმა 16 სხვადასხვა კატეგორია მოიფიქრეს და თითოეულ მათგანს ერთი გამარჯვებული ჰყავს.
კრივჭადრაკი
სახელწოდებიდან გამომდინარე ალბათ ნათელია, რომ ეს არის სპორტის ჰიბრიდული სახეობა, რომელიც ორი ნაწილისაგან, კრივისა და ჭადრაკისაგან შედგება. თითოეული მატჩი 11 რაუნდისაგან შედგება და სპორტსმენს გამარჯვება ორ შემთხვევაში შეუძლია: მოწინააღმდეგე “ნოკაუტში” უნდა ჩააგდოს (კრივში) ან დააშამათოს ჭადრაკში. იმ შემთხვევაში, თუ ამას ვერ მოახერხებს და მატჩი ფრედ დასრულდება, გამარჯვებული ვლინდება კრივში მოპოვებული ქულების შედეგად. თუ იქაც ფრეა, გამარჯვებულია სპორტსმენი, რომელიც ჭადრაკს შავი ფიგურებით თამაშობდა. “კრივჭადრაკის” მსოფლიოს ორგანიზაციის სლოგანია: “ბრძოლის ბედი რინგზე წყდება, ხოლო ომის – დაფაზე”.
წყალქვეშა ჰოკეი
ეს არის ჰოკეის თამაშის მარტივი მოდელი, როდესაც მოწინააღმდეგები ცდილობენ, რომ პატარა ჯოხებით შაიბა მეტოქის კარში გაიტანონ, თუმცა ეს ყველაფერი საინტერესო იმითაა, რომ შეჯიბრება წყლავქეშ ხდება. თითოუელი შაიბის გათამაშება დიდხანს ვერ ხეხრდება, რადგან მოთამაშეებს ამოყვინთვა და ჰაერის ჩასუნთქვა უწევთ.
Sepak takraw
სპორტის ეს სახეობა, რომელიც ფრენბურთს გავს, აზიაში ძალიან პოპულარულია. სათამაშო მოედანი ფრენბურთის იდენტურია, თუმცა მოთამაშეებმა ბურთი მოწინააღმდეგის მხარეს არა ხელით, არამედ ფეხით უნდა გადააგდონ, შესაძლებელია გამოიყენონ მკერდი და თავიც.
ბუზკაში
ეს არის ავღანეთის ნაციონალური სპორტი, ერთგვარი პოლო ცენტრალურ აზიაში, რომელსაც თალიბები კრძალავდნენ. ცხენზე ამხედრებული მოთამაშეები ერთმანეთს უთავო და უფეხო თხის ჩონჩხს ეცილებიან, რათა ქულების მოპოვების მიზნით დანიშნულების ადგილას ჩააგდონ.