მარიუპოლის მერის მრჩეველი, პეტრო ანდრიუშჩენკო „ტელეგრამში“ წერს,რომ მარიუპოლში ოკუპანტები ადამიანების ცხედრების ექსჰუმაციას ახორციელებენ და მასობრივ სასაფლაოებზე კრძალავენ . მისი თქმით, სიცხის გამო, პროზექტურიდან ცხედრები დასაკრძალად მასობრივ სასაფლაოებზე სასწრაფოდ მიჰყავთ . „ოკუპანტებმა დაიწყეს მიცვალებულების ექსჰუმაცია. რეგისტრაცია ხდება მხოლოდ ახლობლების მონაწილეობით. სიცხის გამო, ცხედრები სასწრაფოდ მიაქვთ დასაკრძალად მასობრივ სასაფლაოებზე და ნომრებს ყოველთვის არ ამონტაჟებენ გარდაცვლილებთან“, - აცხადებს მარიუპოლის მერის მრჩეველი.