საგამოფენო ცენტრ "ექსპო ჯორჯიაში" ღვინისა და ალკოჰოლური სასმელების რიგით მე-14 გამოფენა დაიწყო. ღონისძიების ფარგლებში წარმოდგენილები არიან არამხოლოდ ღვინის მწარმოებელი კომპანიები, არამედ შესაფუთი, მანქანა-დანადგარებისა და სერვისის მიმწოდებელი კომპანიებიც.
ფორუმზე მოწვეულები არიან იმპორტიორები ჰოლანდიიდან, იაპონიიდან და პოლონეთიდან. ღონისძიება სოფლის მეურნეობის სამინისტროს, ღვინის ეროვნული სააგენტოს მხარდაჭერით იმართება, რომელიც სამი დღე გაგრძელდება.