უკრაინაში ომის 107-ე დღეა. უკრაინის პრეზიდენტის ოფისის ხელმძღვანელის მრჩეველ, მიხაილო პოდოლიაკის განცხადებით, უკრაინელები დღეში 100-დან 200-მდე მებრძოლს კარგავენ. მისი თქმით, ამის მიზეზი რუსეთის მნიშვნელოვანი უპირატესობაა, რომელსაც მოსკოვი საარტილერიო ცეცხლის შესაძლებლობებში ფლობს.
პოდოლიაკის განცხადებით, უკრაინა მიაღწევს პარიტეტს, თუ დასავლეთისგან მიიღებს 150-300 ერთეულ ზალპური ცეცხლის რეაქტიულ სისტემას. ასეთ შემთხვევაში, პოდოლიაკის თქმით, უკრაინა ეფექტურად შეძლებს ტერიტორიების გათავისუფლებას.