ჰოლანდიურმა Veon-მა, რომელიც ფლობს Vimpelcom-ს (ბრენდი Beeline), საქართველოში თავისი ბიზნესის გაყიდვის შესახებ ხელშეკრულება „ყოფილ ადგილობრივ პარტნიორთან" დადო. ამის შესახებ განცხადება ჰოლდინგის პრესსამსახურმა გაავრცელა. მათი ინფორმაციით, ტრანზაქციის ღირებულება 45 მილიონი დოლარია.
შეგახსენებთ, რომ საქართველოს კომუნიკაციების კომისიამ "ბილაინის" მფლობელის ცვლილებას მხარი მაისში დაუჭირა. კომპანიის 100%-იანი წილის მფლობელი ბიზნესმენი ხვიჩა მაქაცარია გახდა, რომელმაც წილის ნასყიდობის თაობაზე კომისიას 4 აპრილს მიმართა.
“ვიონი“ არ არის ერთადერთი კომპანია, სადაც ხვიჩა მაქაცარია წილებს ფლობს. ბიზნესმენი მსხვილი ჰოლდინგური კომპანია CBS ჯგუფის ერთ-ერთი დამფუძნებელია, რომელიც ისეთ კომპანიებს აერთიანებს, როგორიცაა “თბილისის მიკროავტობუსი”, “თბილისი ენერჯი”, „თელმიკო“, Caucasus Cable System - ბულგარეთი. “ეროვნული ლატარიის კომპანია”, „ქალაქური“ და სხვა აქტივები.