პირველკლასელთა რეგისტრაციის ვადები შეიცვალა. ცვლილების გათვალისწინებით მიმდინარე და მომავალ სასწავლო წელს პირველ კლასში დამატებით ის ბავშვებიც უნდა ჩაირიცხონ, რომელთაც 6 წელი 16 სექტემბრიდან 1-ელ ოქტომბრამდე შეუსრულდებათ.
I ეტაპი 20 აპრილიდან 28 აპრილის ჩათვლით განხორციელდება. მეორე ეტაპზე რეგისტრაცია 10 მაისიდან 20 მაისის ჩათვლით მოხდება. მესამე ეტაპი რომელიც საყოველთაო რეგისტრაციას მოიცავს, 24 მაისიდან დაიწყება და 15 ივნისის ჩათვლით გაგრძელდება. რაც შეეხება ბოლო, მეოთე ეტაპს. გამოთავისუფლებულ ვაკანტურ ან დარჩენილ თავისუფალ ადგილებზე მოსწავლეებს რეგისტრაცია 4 ივლისიდან 12 ივლისის ჩათვლით შეეძლებათ.