ესტონეთის ხელისუფლებამ მიიღო გადაწყვეტილება 11 აპრილიდან აკრძალოს კომპანა Yandex-ის მუშაობა ქვეყნის ტერიტორიაზე. ამის შესახებ ქვეყნის პრემიერ-მინისტრმა განაცხადა.
მანვე ხაზი გაუსვა, რომ ესტონეთი გამოვიდა წინადადებით, დაუწესდეს ამ კომპანიას სანქციები ევროკავშირის ტერიტორიაზე.
განცხადებაში დაზუსტებულია, რომ ინტერნეტ-პროვაიდერებს დაევალათ შეზღუდონ წვდომა იმ ვებგვერდებზე და აპლიკაციებზე, რომელიც ეკუთვნის კომპანიას Yandex-ს, რომელიც ქვეყანაში ოპერირებს Yandex Go და Yandex Pro ტაქსით მომსახურების სერვისით.
ამასთან, ინტერნეტ მაღაზიებს Google Play და App Store მოუწევთ შეზღუდონ Yandex-ის აპლიკაციის გადმოტვირთვა მობილურ მოწყობილობებში და ასევე შეწყვიტონ მისი განახლების სერვისი.
აკრძალვები ძალაში შევა 11 აპრილიდან.