ირანის მთავრობის მტკიცებით, აშშ-ს ხელისუფლების განცხადება, რომ ქვეყანაში ჩატარებული არჩევნები არც თავისუფალი და არც სამართლიანი იყო, ირანის საშინაო საქმეებში ჩარევაა.
„ვთვლით, რომ ეს განცხადება ჩვენს საშინაო საქმეებში ჩარევაა, რაც საერთაშორისო კანონმდებლობას ეწინააღმდეგება, აშშ-ის მთავრობა არ არის იმ პოზიციაზე, რომ ჰქონდეს უფლებამოსილება, ირანში ან სხვა ქვეყანაში არჩევნების მიმდინარეობის შესახებ საკუთარი მოსაზრებები გამოთქვას”, - განაცხადა ირანის მთავრობის პრესსპიკერმა ალი რაბიეიმ.
ცნობისათვის, აშშ-ის სახელმწიფო დეპარტამენტის წარმომადგენელმა გუშინ განაცხადა, რომ ირანში ჩატარებული საპრეზიდენტო არჩევნები, რომლის შედეგადაც ებრაჰიმ რაისი პრეზიდენტი გახდა, არც თავისუფალი და არც სამართლიანი იყო.