თბილისის მერიის გადაწყვეტილებით, უნივერსიტეტის ქუჩისა და ბაგების დამაკავშირებელი საბაგიროთი სარგებლობა 50 თეთრი ეღირება, ხოლო სტუდენტებისთვის უფასო იქნება. ამასთან, როგორც კახა კალაძემ დედაქალაქის მუნიციპალიტეტის მთავრობის სხდომაზე განაცხადა, თუ მოქალაქე ავტობუსით, მეტროთი ან მიკროავტობუსით იმგზავრებს, საათნახევრის განმავლობაში უფასოდ ექნება შესაძლებლობა, გამოიყენოს აღნიშნული საბაგირო.