თბილისის მერი მეტროსადგურებში დაწყებული რეაბილიტაციის პროცესის გაჭიანურების მიზეზებს განმარტავს.
როგორც კახა კალაძე ამბობს, მეტროსადგურ „გოცირიძეზე“ სარეაბილიტაციო პროცესის დროს ბაქანის პრობლემა გამოიკვეთა და მუშაობის გასაგრძელებლად მერია სამხარაულის ექსპერტიზის ეროვნული ბიუროდან დასკვნას ელოდება.
რაც შეეხება ვარკეთილის მეტროსადგურს, კალაძის თქმით, რეაბილიტაცია უახლოეს მომავალში დაიწყება.