ინტერპოლის ლიბანის ოფისის მოთხოვნით ბეირუთში მომხდარ აფეთქებასთან დაკავშირებით კვიპროსის პოლიციამ რუსი ბიზნესმენი იგორ გრეჩუშკინი დაკითხა, - ამ ინფორმაციას „დოიჩე ველე“ ავრცელებს.
გამოცემის ცნობით, ბიზნესმენი იმ გემის მფლობელია, რომლითაც 2013 წელს ბეირუთში ასაფეთქებელი ნივთიერება ჩაიტანეს.
კვიპროსის პოლიციის პრეს-სპიკერის განმარტებით, იგორ გრეჩუშკინს კითხვები ტვირთთან დაკავშირებით დაუსვეს, რომელიც გემს საქართველოდან მოზამბიკიში გადაჰქონდა, თუმცა ის არ დაუკავებიათ.