შეერთებული შტატების პრეზიდენტის, დონალდ ტრამპის, განცხადებით, ჩინეთის მოქმედება კორონავირუსთან დაკავშირებით ამტკიცებს, რომ პეკინი მის არჩევნებში დასამარცხებლად ყველაფერს გააკეთებს.
"ჩინეთი გააკეთებენ ყველაფერს, რაც შეუძლია იმისთვის, რომ არჩევნები წავაგო", - აღნიშნა დონალდ ტრამპმა "როიტერსთან" ინტერვიუში.
პრეზიდენტ ტრამპის მტკიცებით, ჩინეთს მისი "დემოკრატი" ოპონენტის ჯო ბაიდენის გამარჯვება სურს იმის გამო, რომ შეამსუბუქოს ის ზეწოლა, რასაც პეკინი სავაჭრო თუ სხვა საკითხებში აშშ-სგან განიცდიან. აშშ-ის პრეზიდენტმა ჩინეთი კორონავირუსის შესახებ ინფორმაციის გავრცელებაში კიდევ ერთხელ დაადანაშაულა და აღნიშნა, რომ ის განიხილავს სხვადასხვა ვარიანტს, თუ როგორ შეიძლება პეკინმა ამის გამო პასუხი აგოს.
"ბევრი რამის გაკეთება შემიძლია. დაველოდოთ, რა მოხდება", - აღნიშნა ტრამპმა.
კორონავირუსის გამო აშშ-ის ეკონომიკა რეცესიას განიცდის. ბოლო კვირის განმავლობაში უმუშევრობის სოციალური დახმარების სამსახურებს 26 მილიონზე მეტმა ამერიკელმა მიმართა.