ეროვნული ბანკი მოსახლეობას ინტერნეტ-თაღლითობის შესახებ აფრთხილებს. სებ-ის განცხადებით, მოსახლეობის ინტერნეტ-თაღლითებისგან თავდაცვის მიზნით, ეროვნული ბანკი საზოგადოების ინფორმირებისა და ცნობიერების ამაღლების კამპანიას განაგრძობს.
ამჯერად, ეროვნული ბანკი, საბანკო ასოციაციის ჩართულობით, მომხმარებელს ინტერნეტ-თაღლითობის თემაზე საგანმანათლებლო ვიდეორგოლს სთავაზობს.
ვიდეორგოლში ინტერნეტ-თაღლითების მიერ მომხმარებელთა თანხების მითვისების ფართოდ გავრცელებული სქემებია ახსნილი, ასევე, რჩევები, თუ როგორ ავიცილოთ თავიდან საფრთხეები.აღნიშნული ვიდეორგოლით, საქართველოს ეროვნული ბანკი მოსახლეობას შეახსენებს, ფინანსური და პირადი მონაცემების ინტერნეტ-სივრცეში გამოყენებისას მეტი ყურადღება და სიფრთხილე გამოიჩინონ.