"რეალურად, ის ორი ჯოკერი, რომელიც "ქართულ ოცნებას" ხელში ჰქონდა, დღეს უკვე დახარჯულია" - ასე შეაფასა იუსტიციის საბჭოს არამოსამართლე წევრმა ანა დოლიძემ არჩევნებში "ქართული ოცნების" გამარჯვება.მისივე თქმით, "ქართულმა ოცნებამ" საქართველოს საპრეზიდენტო არჩევნების მეორე ტურის შედეგები გამარჯვებად არ უნდა ჩაითვალოს. დოლიძე ასევე არ მიიჩნევს, რომ ეს იყო "ოცნების კანდიდატის გამარჯვება". მისივე თქმით, მმართველი გუნდი იმის ნაცვლად, რომ მოსახლეობას ესაუბროს, რამდენი ქარხანა გაიხსნა, რამდენი ადამიანი დასაქმდა, რამდენი აეროპორტი აშენდა და ასე შემდეგ, ამის ნაცვლად, "ქართულმა ოცნებამ" საზოგადოებას იგივე ტიპის არჩევნები შესთავაზა, რაც 2012 წელს.