თსუ-ში ვიზიტისას, გერმანიის კანცლერს სტუდენტებმა კითხვები რუსეთის მიერ საქართველოს რეგიონების ოკუპაციაზე დაუსვეს. ახალგაზრდების მიერ სამჯერ დასმულ კითხვაზე, აფხაზეთისა და ცხინვალის რეგიონის ოკუპაციასთან დაკავშირებით, ანგელა მერკელმა აღნიშნა, რომ ეს არის უსამართლო და მიუღებელი სიტუაცია, რაც იქ ხდება. ამის შემდეგ, თსუ-ს ერთ-ერთი სტუდენტი კონსტანტინე შუბითიძე დაინტერესდა, თუ რატომ არ იყენებდა საუბრისას გერმანიის კანცლერი მკვეთრ და ზუსტ ტერმინებს. „ტერმინ „ოკუპაციასთან“ რამე პრობლემა არის, თუ რატომ არ იყენებთ? რატომ არ აფასებთ ცხინვალსა და აფხაზეთში განვითარებულ მოვლენებს როგორც ოკუპაციას? - ასე მიმართა სუდენტმა ანგელა მერკელს, რაზეც კანცლერმა აღნიშნა, რომ თავდაპირველად მან კითხვა ვერ გაიგო. „დიახ, ეს არის ოკუპაცია, ეს არის დაკავებული ტერიტორია - 20%. ამის მიუხედავად, ეს რჩება უხეშ უსამართლობად“, - განაუცხადა საბოლოოდ მერკელმა სტუდენტებს