წეროვანში, ავტოავარიისას დაშავებული ერთი პაციენტი გარდაიცვალა, - ამის შესახებ ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრში განაცხადეს. უწყების ინფორმაციით, 18 პაციენტი ამ დრომდე კლინიკაში რჩება. წეროვანში მიკროავტობუსს ტრაილერი დაეჯახა. როგორც “ შსს-ში განაცხადეს, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია. როგორც ტრაილერი, ისე მიკროავტობუსი თბილისიდან დასავლეთის მიმართულებით მოძრაობდა.
იხილეთ:
წეროვანთან ავარიაში მოყოლილები კლინიკაში მკურნალობას გადიან - ექიმის კომენტარი დაშავებულების მდგომარეობაზე