ლაუნჯ-ბარ "ელ ცენტროს" მიმდებარე ტერიტორიაზე განთავსებული კაფეების თანამშომლების ინფორმაციით, 12 მაისს ღამით 10-მდე ადამიანი ჩხუბობდა. ისინი დაზუსტებით ვერ ამბობენ, ხელჩართულ ჩხუბში მონაწილეობდა თუ არა გენერალური აუდიტორი ლაშა თორდია და ყოფილი მთავარი პროკურორი, ოთარ ფარცხალაძე.
შინაგან საქმეთა სამინისტრომ სახელმწიფო აუდიტის სამსახურის ხელმძღვანელ ლაშა თორდიაზე მომხდარ თავდასხმასთან დაკავშირებით, გამოძიება დაიწყო. უწყების ინფორმაციით, გამოძიება სისხლის სამართლის კოდექსის 126-ე მუხლით მიმდინარეობს, რაც ცემას ან სხვაგვარ ძალადობას გულისხმობს, რამაც დაზარალებულის ფიზიკური ტკივილი გამოიწვია.
იხილეთ:
"დამარტყა გვერდიდან ხელი..." - ლაშა თორდიას კომენტარი საავადმყოფოდან კლუბში თავდასხმის შემდეგ